Shri Stavam is considered the last of the 5 compositions that are grouped together as the
Panchastavam by Shri Koorattalvan or Kooresha (ruler of the place called Kooram).
The others in the series are Vaikuntastavam, Atimanushastavam, Sundarabahustavam and Varadarajastavam.
This set of verses is on Ranganayaki of Srirangam (consort of Lord Ranganatha) who is the incarnation of Goddess Lakshmi/ShriDevi.
The exploration here is to get at the meanings of each of the words and their roots.

[1] Shri Stavam source @ prapatti.com
[2] SriStavam - English Translation by Sri M. K. Srinivasan published by Visishtadvaita Pracharini Sabha
[3] The Practical Sanskrit-English Dictionary by Vaman Shivram Apte, Revised and Enlarged Edition, Motilal Banarsidass Publishers
[4] A Sanskrit English Dictionary by M. Monier-Williams, Motilal Banarsidass Publishers
[5] Translations by Shri K. Sridharan
[6] Translations by Shri V. Sadagopan and V. Madhavakannan
[7] Talks by Shri TCA Venkatesan

[Invocatory Tanian on Shri Koorattalvan by his son Shri Parashara Bhattar]

    श्रीवत्सचिह्नमिश्रेभ्यो नम उक्तिम् अधीमहे

    यदुक्तयस्त्रयीकण्ठे यान्ति मङ्गलसूत्रताम्

    shrIvatsa-cihna-mishrebhyo nama uktim adhImahe
    yaduktayastrayIkaNThe yAnti ma~NgaLa-sUtratAm

[01.txt]

    स्वस्ति श्रीर्दिशतात् अशेष-जगताम् सर्गोपसर्ग-स्थितीः

        स्वर्गं दुर्गतिम् आपवर्गिक-पदं सर्वञ्च कुर्वन् हरिः

    यस्या वीक्ष्य मुखम् तत् इङ्गित-पराधीनो विधत्ते$खिलं

        क्रीडेयं खलु नान्यथा$स्य रसदा स्यादैकरस्यात् तया

    svasti shrIrdishatAt asheSha-jagatAm sargopasarga-sthitIH
        svargaM durgatim Apavargika-padaM sarva~nca kurvan hariH
    yasyA vIkShya mukham tat i~Ngita-parAdhIno vidhatte$khilaM
        krIDeyaM khalu nAnyathA$sya rasadA syAdaikarasyAt tayA

[02.txt]

    हे श्रीर्देवि समस्त-लोक-जननीं त्वां स्तोतुम् ईहामहे

        युक्तां भावय भारतीं प्रगुणय प्रेम-प्रधानां धियम्

    भक्तिं भन्दय नन्दयाश्रितम् इमं दासं जनं तावकं

        लक्ष्यं लक्ष्मि-कटाक्ष-वीचि-विसृतेः ते स्याम चामी वयम्

    he shrIrdevi samasta-loka-jananIM tvAM stotum IhAmahe
        yuktAM bhAvaya bhAratIM praguNaya prema-pradhAnAM dhiyam
    bhaktiM bhandaya nandayAshritam imaM dAsaM janaM tAvakaM
        lakShyaM lakShmi-kaTAkSha-vIci-visRteH te syAma cAmI vayam

[03.txt]

    स्तोत्रं नाम किमामनन्ति कवयो यद्यन्यदीयान् गुणान्

        अन्यत्र त्वसतो$धिरोप्य फणितिस्सा तर्हि वन्ध्या त्वयि

    सम्यक् सत्यगुणाभिवर्णनम् अथो ब्रूयुः कथम् तादृशी

        वाग्वाचस्पतिना$पि शक्य-रचना त्वत्सद्गुणार्णोनिधौ

    stotraM nAma kimAmananti kavayo yadyanyadIyAn guNAn
        anyatra tvasato$dhiropya phaNitissA tarhi vandhyA tvayi
    samyak satyaguNAbhivarNanam atho brUyuH katham tAdRshI
        vAgvAcaspatinA$pi shakya-racanA tvatsadguNArNonidhau

[04.txt]

    ये वाचां मनसां च दुर्ग्रहतया ख्याता गुणास्तावकाः

        तान् एव प्रतिसाम्बुजिह्वमुदिता है! मामिका भारती

    हास्यं तत्तु न मन्महे न हि चकोर्येका$खिलां चन्द्रिकां

        नालं पातुम् इति प्रगृह्य रसनाम् आसीत सत्यां तृषि

    ye vAcAM manasAM ca durgrahatayA khyAtA guNAstAvakAH
        tAn eva pratisAmbujihvamuditA hai! mAmikA bhAratI
    hAsyaM tattu na manmahe na hi cakoryekA$khilAM candrikAM
        nAlaM pAtum iti pragRhya rasanAm AsIta satyAM tRShi

[05.txt]

    क्षोदीयान् अपि दुष्टबुद्धिरपि निःस्नेहो$प्यनीहो$पि ते

        कीर्तिं देवि लिहन्नहम् न च बिभेम्यङ्जो न जिह्रेमि च

    दुष्येत्सा तु न तावता न हि शुना लीढा$पि भागीरथी 

        दुष्येच्छ्वापि न लज्जते न च बिभेत्यार्तिस्तु शाम्येच्छुनः

    kShodIyAn api duShTabuddhirapi niHsneho$pyanIho$pi te
        kIrtiM devi lihannaham na ca bibhemya~njo na jihremi ca
    duShyetsA tu na tAvatA na hi shunA lIDhA$pi bhAgIrathI 
        duShyecchvApi na lajjate na ca bibhetyArtistu shAmyecchunaH

[06.txt]

    ऐश्वर्यं महदेव वा$ल्पम् अथवा दृश्येत पुंसां हि यत्

        तल्लक्ष्म्याः समुदीक्षणात् तव यतः सार्वत्रिकं वर्तते

    तेनैतेन न विस्मयेमहि जगन्नाथो$पि नारायणः

        धन्यं मन्यत ईक्षणात् तव यतः स्वात्मानम् आत्मेश्वरः


    aishvaryaM mahadeva vA$lpam athavA dRshyeta puMsAM hi yat
        tallakShmyAH samudIkShaNAt tava yataH sArvatrikaM vartate
    tenaitena na vismayemahi jagannAtho$pi nArAyaNaH
        dhanyaM manyata IkShaNAt tava yataH svAtmAnam AtmeshvaraH

[07.txt]

    ऐश्वर्यं यदशेष पुंसि यदिदं सौन्दर्य-लावण्ययोः

        रूपं यच्च हि मङ्गलं किमपि यल्लोके सदित्युच्यते

    तत्सर्वं त्वदधीनम् एव यदतः श्रीरित्यभेदेन वा

        तद्वा श्रीमदितीदृशेन वचसा देवि प्रथाम् अश्नुते

    aishvaryaM yadasheSha puMsi yadidaM saundarya-lAvaNyayoH
        rUpaM yacca hi ma~NgaLaM kimapi yalloke sadityucyate
    tatsarvaM tvadadhInam eva yadataH shrIrityabhedena vA
        tadvA shrImaditIdRshena vacasA devi prathAm ashnute

[08.txt]

    देवि त्वन्महिमावधिर्न हरिणा नापि त्वया ज्ञायते

        यद्यपेवमथापि नैव युवयोः सर्वज्ञता हीयते

    यन्नास्त्येव तदज्ञताम् अनुगुणां सर्वज्ञताया विदुः

        व्योमाम्भोजम् इदन्तया किल विदन् भ्रान्तो$यम् इत्युच्यते

    devi tvanmahimAvadhirna hariNA nApi tvayA j~nAyate
        yadyapevamathApi naiva yuvayoH sarvaj~natA hIyate
    yannAstyeva tadaj~natAm anuguNAM sarvaj~natAyA viduH
        vyomAmbhojam idantayA kila vidan bhrAnto$yam ityucyate

[09.txt]

    लोके वनस्पति-बृहस्पति-तारतम्यं

        यस्याः प्रसाद-परिणामम् उदाहरन्ति

    या भारती भगवती तु यदीय-दासी

        तां देव-देव-महिषीं श्रियम् आश्रयामः

    loke vanaspati-bRhaspati-tAratamyaM
        yasyAH prasAda-pariNAmam udAharanti
    yA bhAratI bhagavatI tu yadIya-dAsI
        tAM deva-deva-mahiShIM shriyam AshrayAmaH

[10.txt]

    यस्याः कटाक्ष-मृदुवीक्षण-दीक्षणेन

        सद्यस्समुल्लसित-पल्लवम् उल्ललास

    विश्वं विपर्यय-समुत्थ-विपर्ययं प्राक्

        तां देव-देव-महिषीं श्रियम् आश्रयामः


    yasyAH kaTAkSha-mRduvIkShaNa-dIkShaNena
        sadyassamullasita-pallavam ullalAsa
    vishvaM viparyaya-samuttha-viparyayaM prAk
        tAM deva-deva-mahiShIM shriyam AshrayAmaH

[11.txt]

    यस्याः कटाक्ष-वीक्षा-क्षण-लक्षं लक्षिता महेशास्स्युः

    श्रीरङ्गराज-महिषी सा माम् अपि वीक्षतां लक्ष्मीः

    yasyAH kaTAkSha-vIkShA-kShaNa-lakShaM lakShitA maheshAssyuH
    shrI-ra~ngarAja-mahiShI sA mAm api vIkShatAM lakShmIH

[final]

    अर्वाञ्चो यत्पद-सरसिज-द्वन्द्वम् आश्रित्य पूर्वे

    मूर्ध्ना यस्यान्वयम् उपगताः देशिका मुक्तिम् आपुः

    सो$यं रामानुज-मुनिरपि स्वीय-मुक्तिं करस्थाम्

    यत्सम्बन्धात् अमनुत कथं वर्ण्यते कूरनाथः

    arvA~nco yatpada-sarasija-dvandvam Ashritya pUrve
    mUrdhnA yasyAnvayam upagatAH deshikA muktim ApuH
    so$yaM rAmAnuja-munirapi svIya-muktiM karasthAm
    yatsambandhAt amanuta kathaM varNyate kUranAthaH